Біз туралы

Байланыс

Бізге жазу

rus

/kaz

Одақ туралы

«Дағдарыс орталықтары одағы» ЗТБ – 17 жыл бойы гендерлік зорлық-зомбылықтың барлық түрлерін болдырмау және түбірімен жоюға бағытталған іс-шараларды дамытуға, қоғамда зорлық-зомбылықсыз қатынастар құндылықтарына негізделген мәдениетті қалыптастыруға бағытталған үкіметтік емес ұйым. Одақ Қазақстанның 11 аймағынан 16 ұйымды біріктіреді

Дағдарыс орталықтары одағының 17 жылдық қызметі барысында 200-ден астам жоба жүзеге асырылды.
Одақтың негізгі стратегиялық міндеттері ең алдымен өмірлік қиын жағдайға тап болған, балалы отбасылардың жағдайын жақсарту, отбасылық құндылықтар мен жауапты ата-ана болу құндылықтарының маңыздылығын қоғамдық санада арттыру, балаларды қатыгездік пен зорлық-зомбылықтан қорғау болып табылады.
Нөмірі 150 «Балалар мен жастарға арналған ұлттық сенім телефон желісі» бағдарламасы «Дағдарыс орталықтары одағы» ЗТБ жұмысының бір бағыты болып табылады, ол балалардан хабарламалар қабылдау және балалар мен жастарға көмек көрсетуді ұйымдастыру арқылы отбасылық қолайсыздықтың алдын алу жүйесін ұйымдастыруды қамтамасыз етеді.
Одақ қызметіне Қазақстан Республикасының Ішкі істер министрлігі, ҚР Ақпарат және қоғамдық даму министрлігі, ҚР Көлік және коммуникациялар министрлігі, ҚР Денсаулық сақтау министрлігі, ҚР Әділет министрлігі, ҚР Білім және ғылым министрлігінің Балалар құқықтарын қорғау комитеті, ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссия, сондай-ақ халықаралық және республикалық қорлар, БАҚ және ҮЕҰ ынтымақтастық негізінде қолдау көрсетеді

«Дағдарыс орталықтары одағының» міндеттері

1. Зорлық-зомбылықтың алдын алу
· Халықпен, мемлекеттік құрылымдармен ағарту және ақпараттық жұмыс жүргізу арқылы зорлық-зомбылық мәселелері бойынша қоғамдық сананы өзгерту;
· Қорғау механизмін құру үшін заң шығарушы билікпен өзара әрекеттесу;
· Зорлық-зомбылық мәселелері бойынша білім беру бағдарламаларын әзірлеу және енгізу;
· Зорлық-зомбылықтың алдын алу тақырыбы бойынша кітапт, әдістемелік құралдар мен буклеттерді шығару;
· Ақпараттық науқандарды ұйымдастыру және өткізу, БАҚ-пен өзара ынтымақтастық орнату.

2. Зорлық-зомбылықтан зардап шеккендердің құқықтары мен мүдделерін қорғау
Зорлық-зомбылықтан зардап шеккендерді қорғау тетігін мынадай жолдармен әзірлеу:
· ҚР Парламентінде заңнамалық актілерді қолдау;
· Әйелдер мен балалардың құқықтарын сақтау бойынша мониторинг жүргізу;
· Мемлекеттік құрылымдармен, құқық қорғау органдарымен, ҮЕҰ және БАҚ-пен әріптестік қарым-қатынас орнату.

3. Зорлық-зомбылықтан зардап шеккендерге көмек көрсету
ҚР ДО желісін дамыту арқылы зорлық-зомбылықтан зардап шеккендерге білікті көмек көрсету.
· Одақ мүшелерінің бірлескен қызметін үйлестіру;
· Бірыңғай ақпараттық кеңістік құру және ҚР дағдарыс орталықтарының қызметкерлерін оқыту;
· Отбасының және балалардың әлеуметтік мәселелерін шешудің заманауи әлеуметтік-құқықтық технологияларын, әдістері мен нысандарын әзірлеу және енгізу;
· Билік органдарында Одақ мүшелерінің мүдделерін білдіру;
· Консалтингтік қызмет көрсету.

«Дағдарыс орталықтары одағының» мақсаттары:

Гендерлік зорлық-зомбылық мәселелері мен оның барлық түрлері туралы жұртшылықтың хабардарлығын арттыру;
Зорлық-зомбылықтың алдын алудың, өмірлік қиын жағдайға тап болған балалар мен әйелдерді қорғап, оларға көмектесудің, зорлық-зомбылық пен қатыгездіктен зардап шеккен балалардың жағдайын жақсарту мәселелерін шешу бойынша бағдарламалық-нысаналы тәсілдердің тиімді жүйесін қалыптастыру;
Зорлық-зомбылықтың кез келген түрлеріне ұшыраған әйелдер мен балаларды қолдау бойынша ДОО-ның қызмет көрсету жүйесін дамыту.

ҚОҢЫРАУ ШАЛУДЫ ҰМЫТПА, егер сен өзіңді қиын жағдайда сезінсең:

дәрменсіз, үмітсіз, амалсыздық жағдайында;
өмір сүрумен сурмеу арасындагы қақтығысты сезынсен;
ересектер немесе құрдастар тарапынан (психологиялық, физикалық және жыныстық) қатыгездікпен кездескен жагдайда;
жауапсыз махаббатпен сәтсіздіктер;
-ертеңгі күнге сенімділіктің жоғалуы.