Новости казакша

«Тұрмыстық зорлық-зомбылық профилактикасы туралы» заң

«Тұрмыстық зорлық-зомбылық профилактикасы туралы» заңына сәйкес тұрмыстық зорлық-зомбылық профилактикасының субъектілеріне тұрмыстық зорлық-зомбылық профилактикасын жүзеге асыратын мемлекеттік органдар, жергілікті өзін-өзі басқару органдары, ұйымдар және Қазақстан Республикасының азаматтары кіреді. Бүгінгі постымызда жергілікті өкілді және атқарушы органдардың құзыретін қарастырайық. «Тұрмыстық зорлық-зомбылық профилактикасы туралы» заңының жетінші бабы бойынша олардың құзыретіне келесілер кіреді:

1. Жергілікті өкілді органдар:
▪️ жергілікті бюджеттердің тұрмыстық зорлық-зомбылық профилактикасына арналған шығыс бөлігін бекітеді және оның орындалуын бақылайды;
▪️ азаматтардың және ұйымдардың осы Заңның нормаларын орындауына жәрдемдеседі.

2. Жергілікті атқарушы органдар:
▪️ жергілікті деңгейде тұрмыстық зорлық-зомбылық профилактикасы субъектілерінің өзара іс-қимыл жасауын қамтамасыз етеді;
▪️ көмек көрсету жөніндегі ұйымдарды құрады және олардың жұмыс істеуін қамтамасыз етеді;
▪️ тұрмыстық зорлық-зомбылықтан зардап шеккен кәмелетке толмағандарды және тұрмысы қолайсыз отбасыларды анықтайды және оларды есепке алуды жүргізеді;
▪️ жәбірленушілерге арнаулы әлеуметтік қызметтер көрсетуді Қазақстан Республикасының арнаулы әлеуметтік қызметтер туралы заңнамасында белгіленген тәртіппен ұйымдастырады.
Дереккөз: adilet.zan.kz

☎️150
📱8 708 106 08 10
📧kzsoyuz@gmail.com
🌐Telefon150.kz

@cisc_official
@crisis_center_almaty
@akimat_almaty

#qogamgov #cisc2020 #telefon150kz #Байсакова #soyuz_kz